Velkomen til Kunstnarsenteret i Sogn og Fjordane!
Våre opningstider:
Tysdag–fredag kl. 11–15
Kom gjerne innom i Langebruvegen 9, 6800 Førde eller ta kontakt!
Der vi er
- ein konferanse om kunstnarinitierte og stadrelaterte kunstprosjekt.
Lærdal kulturhus 25. september 2026
Konferansen er ein møteplass for samtaler om kunstnarinitierte og stadrelaterte prosjekt i Sogn og Fjordane og kva rolle Kunstnarsenteret kan spele i denne samanhengen. Utstillinga Der me er i Sogn kunstsenter dannar ramme om konferansen.
Gjennom bidrag frå ulike foredragshaldarar, innblikk i Kunstnarsenteret i Sogn og Fjordane (KSF) sitt utviklingsarbeid og kunstnarpresentasjonar vil konferansen belyse korleis vi kan legge grunnlag for å skape gode kunstprosjekt rundt om i Sogn og Fjordane og korleis prosjekta kan formidlast til publikum lokalt og nasjonalt.
Med utgangspunkt i tidslinja som blir vist i utstillinga vil vi drøfte korleis KSF kan skape handlingsfelt for kunstnarinitierte og stadrelaterte prosjekt i ei avsluttande panelsamtale.
Program
Dagen vert leia av Aud Marit Skarrebo Holmen.
Kl. 10.00–10.30: Kaffi og registrering.
Kl. 10.30–10.40: Velkommen – Terje Lyngstad, Kunstnarsenteret i Sogn og Fjordane.
Kl. 10.40–10.55: Offisiell opning – Merete Hovdenak, Kunstsentrene i Norge.
Kl. 10.55–11.20: Pilotprosjektet Profesjonell kunst i distrikta – Inger Eri presenterer utstilling og mogelegheitsstudie.
Kl. 11.20–11.40: Kunstnarpresentasjon – Eli Mai Huang Nesse, om filmen Nærme (2025).
Kl. 11.40–11.50: Beinstrekk
Kl. 11.50–12.10: Kunstnarpresentasjon – Karen Helga Maurstig, om kl.0600 og ekkoet av ein måse (2025), Solund.
Kl. 12.10–13.00: Om miljø-, natur- og landskapskunst i Norge i perioden 1970-2000 – Eivind Slettemås.
Kl. 13.00–13.45: Lunsj og besøk i utstillinga Der me er.
Kl. 13.45–14.05: Kunstnarpresentasjon – Tina Kryhlmann om Tempeltrepassasjen (2025).
Kl. 14.05–14.30: Saksumdal tempel, visningsrom og produksjonsstad for samtidskunst – Tarald Wassvik.
Kl. 14.30–14.55: Finna stad, om samspelet mellom kunst, stad og menneske – Tone Einelia.
Kl. 14.55–15.20: Pilotprosjektet Profesjonell kunst i distrikta – Terje Grimen presenterer mogelegheitsstudie og tankar om komande kunstprosjekt.
Kl. 15.20–15.30: Beinstrekk
Kl. 15.30–16.30: Panelsamtale: Korleis kan KSF skape handlingsfelt for kunstnarinitierte og stadrelaterte prosjekt? Med Inger Eri, Terje Grimen, Tarald Wassvik og Sigrid Bjørkedal. Samtala vert leia av Evelyn Holm. Det blir opna for innspel og spørsmål frå salen.
Kl. 16.30: Takk for i dag.
Bakgrunn for konferansen
I pilotprosjektet Profesjonell kunst i distrikta prøver Kunstnarsenteret i Sogn og Fjordane ut ulike tilnærmingar til kunstnarisk programmering og korleis formidlinga av visuell kunst kan styrkast. I to moglegheitsstudiar har kunsthandverkar Terje Grimen og kunsthistorikar/kurator Inger Eri hatt fritt mandat til å undersøke ulike alternativ, finne fram til lokale ressursar og foreslå kunstprosjekt i regionen ut i frå temaet Yttergrenser og naboskap.
I utstillinga Der me er blir noko av det som rører seg i kunstlivet i Sogn for tida vist. Sju kunstnarar med sterk tilknyting til Sogn og Fjordane er plukka ut. Gruppeutstillinga er kuratert av Inger Eri og er første del av hennar arbeid.
I tillegg blir Terje Grimen sitt arbeid presentert med eitt verk og moglegheit for innspel frå publikum.
Utstillinga har også ein tredje del som løftar fram historiske samanhengar gjennom ei tidslinje som dokumenterer kunstprosjekt som har vore gjennomført i regionen tidlegare og som Kunstnarsenteret bygger vidare på.
Kunstnarsenteret i Sogn og Fjordane representerer over 60 profesjonelle kunstnarar og skal formidle og auke interessa for biletkunst og kunsthandverk i heile regionen. I lokalet vårt driv vi formidlingssal av kunst og viser ei variert utstilling av biletkunst, tekstilkunst, skulpturar, keramikk og bøker.
KSF ● Langebruvegen 9, 6800 Førde ● Organisasjonsnummer: 930 502 715